الرئيسيةالبوابة اليوميةس .و .جبحـثالأعضاءالمجموعاتالتسجيلدخول

  

 

      

 

 

 

طهر قلبك,~} 
 عدد الضغطات  : 1826

 

 

هذا  قروب المنتدى group1198416@groupsim.com 

بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

شاطر | 
 

 قصيدة الطرقات سعد علوش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نــبـض الغلا
متفااعل
avatar

انثى عدد المساهمات : 96
الموقع : RIYADH
المزاج I love live on Fun;♥♥♥♥♥

مُساهمةموضوع: قصيدة الطرقات سعد علوش   الخميس فبراير 18, 2010 2:20 pm

.كلمات قصيدة الطرقات سعد علوش mp3 على طرب ادما

في الكبد ليعاتها وفي النفس حاجات .. حاجات ماهيب رغبات وشهوات

ندم على حزن على مدري شسمه .. اللي يكلمك وتكلمه بسكات

ياودي اصرخ من اللي داخلي حيل .. وياودي ماتنبسم من الليعه شفات

مزحوم تفكير ومشوش وبردان .. وياخوفي من الغضب والانفعالات

تعارك الشر مع الخير فيني .. يأثر على اتخاذي للقرارات

ثاقب وألاحظ تفاصيل التفاصيل .. كن البشر عري وعيوني مرايات

أفضال ربي عليّ واجد .. وأفضل أفضال ربي الفقر وأنكارة الذات

يامجمل الفقر وأشياءه وروحه .. تموت منه تعب وتعيشه ازمات

يعلمك ضعفك وبأن عقلك .. هو اللي يميزك عن الحشرات

وتعرف بأن هذا لك وذا لغيرك .. ولا تفكّر ولاتكسّر حسابات

الفقر مفيد .. وأشياءه مفيده .. مليء قناعه وقوة وغايات

يمكن لو إنك غني تطغا وتنسى .. وأتطيش وتطوّف الخمس الصلوات

لذلك الحمد لله والثنا له .. على الفقر والمصايب والمسرات

يمكن أني فقير بس مانيب تبعّي .. أجلس ولا أنقاد خلف الإتجاهات

وإن ما أعجبتني قناعات الزمن هذا .. أنا .. أألف لتفكيري قناعات

شاعر ويسكن في مخي ألف شاعر .. ماهم شعار هالوقت التروفات

اللي يقولون مافي الشعر نادر .. وإن الشعراء نفس المستويات

لو أنهم واحد بتفكير واحد .. ماشفت ناقد ولا معجب وشمات

الله على هالكلام ومن يقوله .. والله يقطع سياسة هالمجلات

يعني اللي شعره ملى الدنيا جماهير .. مثل اللي يطلق قصيده سردة أبيات

لامن سمعت القصيده قلت هذي ؟ سمعتها قبل هذي عشر مرات !!؟

يشل آخر كلام الشطر الأول .. ويحطه بآخر الثاني ... وخذ هات

قاف متكرر .. ولا فكره ولا شي .. يبني القصيده على تفكير بنات

وبه نوع ساجذ علشان ايتميّز .. يصرخ ويعمل بيدينه حركات

والمرء عدو مايجهل .. لذلك هالشعراء يكرهوني انا بالذات

الله يخليني .. الله يخليني لشعري وأصونه .. وأحرق به كبود شعّار المسجات

أجذب به أذواق حكّام الجزيرة .. وأزرعه .. فعقول فتيان وفتيات

اركبّه جن .. وامارسه بجنون .. وأشبعه فلسفات وأبتكارات

وأعلم الجيل هذا وإللي بعده .. جودة الإطاله وفن الإختصارات

و وشلون أحرث صخر فكري وأخلي بيني وبين أقرب منافس مفسافات

الشعر في نظرة أغلبهم مصالح .. فلوس وشيوخ وبنات ولقاءات

وفي نظرتي الشعر .. روح و روح حرّه ماتخضع لشف .. وأشخاص وقياسات

الشعرُ ماتقشعّر له الأبدان .. ومايسرق من الكلمات .. الكلمات

تقراه في عيون شاعره وتحسه .. يفتح له فجلد يدينك مسامات

ردد قصيدي ياجمهوري وصفق .. وعلمّهم إن الغلا ماهو خيارات

تعال .. تعال نسرح سوى في شي عندي .. وأخاف لا أبكي ؟ وتبكيني العبارات

حزين جداً .. ومتعومس وخايف .. أحس كنّي على مهوى نهايات

حبيبتي .. اللي أغليها وأبيها ؟ .. راحت وقالت بجي وللحين ماجات

ما أذكر أني .. مسوي شي لكن .. الحب إذا زاد .. يسبب حزازات

والصبر .. صبر القلوب البيض وأدري .. يامصعب الصبر لا قدّ به محاتات

دمرني الشوق وإستنزفني شعور .. وتعبت أثبت وجودي داخل شتات

تمر كل الوجيه .. بدرب عيني .. نفس الملامح ! .. ونفس الإبتسامات

حبيبتي طاغيه وبشكل طاغي .. صديقة الليل واجناب البنايات

من وين ما أفتر لاهذا وجهها .. على الطرقات وأضواء السيارات

يابري حالي عليها بري حالي .. عليها يابري حالي عشر بريات

لأني أحبها .. فعلاً وجداً .. ماهي محبة .. رفث .. ولا إتصالات

أحس كني أبوها أو أخوها .. أدرى عليها من العالم مدارات

واللي سواتي يحب .. وخايف الله .. يعرف معنى معاناة المعانات

الحزن .. في بعض الأحيان إزدواجي .. وجميل .. إذا صار من تجنيب غلطات

من خلا حاجه لربي عاضه أخيّر .. منها واحسن دبلات الدبلات

وانا مابي .. غيرها .. ولا ألتفت له .. السيده .. لارجعنا للسيادات

جعل أمها إتوافق إن جيت .. أخطبها .. تكفون دعواتكم يا أهل الدعوات
الرجوع الى أعلى الصفحة اذهب الى الأسفل
Dee
المدير العآآم
avatar

انثى عدد المساهمات : 995
العمر : 21
الموقع : Riyadh

مُساهمةموضوع: رد: قصيدة الطرقات سعد علوش   الجمعة فبراير 19, 2010 1:40 am

يسلمو يا الغلا على الموضوع والشعر البطل
وتقبلي مروري وودي قبل ردي ..

ننتظر جديدكـ
الرجوع الى أعلى الصفحة اذهب الى الأسفل
http://banatt.roo7.biz
نــبـض الغلا
متفااعل
avatar

انثى عدد المساهمات : 96
الموقع : RIYADH
المزاج I love live on Fun;♥♥♥♥♥

مُساهمةموضوع: رد: قصيدة الطرقات سعد علوش   الجمعة مارس 05, 2010 3:18 pm

..مشكووره يالغلا عالرد والمروور...
الرجوع الى أعلى الصفحة اذهب الى الأسفل
مغرزه بكعبها..
مشرفة قسم آلألعآآب ۈآلمڛآبقآٺ
avatar

انثى عدد المساهمات : 305
الموقع : الرياض
المزاج اه ياناس قولولي شلون بيرتاح بالي وانا قريب بفراغ غاالي .

مُساهمةموضوع: رد: قصيدة الطرقات سعد علوش   السبت مارس 06, 2010 4:03 pm

ياااااسلام عليك ... القصيده كلمااتها خوقااقيه .

رووعه ذوووقك يا الغلا , ,,, ,
جعلنا ماننحرم من مو اضيعك ولا من صااحبه المووضوع ..
تحياااتي
الرجوع الى أعلى الصفحة اذهب الى الأسفل
 
قصيدة الطرقات سعد علوش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Sweet Girls :: منتدى الشعر والروايات :: الــ شــعر-
انتقل الى: