أنت هلالـي !!! ليش طيب ؟
سألتني هالسؤال
عندي بطولات ..
اريحك يا صديقي
بختصر لك الحال .. كل بطولة لعبت فيها أخذتها
وازيدك من الشعر بيت ... طمعت فيها زود واخذتها مره وثنتين وثلاث
تعرف ليه !! إدمان الذهب يابن الحلال 
ولو حبيت احكي لك يا صديقي عن رجال الهلال
فهم ناس الله خلقهم يختلفون بكل شي بكل .. كل شي الا مصلحة الهلال
زيادة على اخوتهم بالإسلام صاروا اخوان بالهلال !!! تخيلت
( محمد بن فيصل وسعود بن تركي )
شايف هذا هو حالهم دايم الله يهديهم
دايم يديهم بيدين بعض
بس أقول لك شي...
اتوقع لو يجي الربيعة بكبره ما فصل هاليدين 
ومررت سنين يا صديقي على ولادة الزعيم
و راحت أجيال 
وبعدها أجيال 
و جات أجيال 
وحنا مثل ما ماحنا الله لا يغير علينا
كلـ(ن) يسلم الراية للي بعده
وكل جديد يتعلم من اللي قبله
( سر الزعامة )
***
عاد يا صديقي ترانا بشر مثلنا مثلكم
يمكن نختلف .... صح نختلف ونعتب على بعض
بس نجتمع على حب الهلال 
صديقي ... قد سمعت بالسحر الحلال ؟
بالضبط . . . هـو سحر الهلال
اكيد مليت من كثرة كلامي
وش رايك اسألك
ســؤال
سؤال بسيط !!
يخليك تسرح مع نفسك وتدور اجابة
ليش كل هذا عندنا !!!
فكرت !!!
اخذت وقتك !!
طيب بجاوبك وشوف هل هو نفس جوابي !!
هذا هو الجواب 
كل واحد منهم مايبي اللي قبله احسن منه
اذا جاب بطولتين
اجيب اربع ...!!
واذا جاب اربع ... !!
اجيب ست ... !!
هذا الزعيم يستاهل فلوسي وتعب ووقتي وراحتي
" هم يقولون وحنا نشوف افعال تسبق اقوال "
والحين يوم خلصنا من هالسالفة يا صديقي
خلنا نلخٌص اللي قلناه بسؤال
ممكن تقول لي ليه هالطفل يحب الهلال !!!!!! 
لحظة لحظة .... ياسر( يضحك )
وش هالسؤال !!!!
