الرئيسيةالبوابة اليوميةس .و .جبحـثالأعضاءالمجموعاتالتسجيلدخول

  

 

      

 

 

 

طهر قلبك,~} 
 عدد الضغطات  : 1826

 

 

هذا  قروب المنتدى group1198416@groupsim.com 

بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

شاطر | 
 

 الجز الثالث لمجنون سااره =)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
άb6άĹ ,, ŋǿŠά
متفااعل
avatar

انثى عدد المساهمات : 99
العمر : 22
المزاج مـزآآجـيـه

مُساهمةموضوع: الجز الثالث لمجنون سااره =)   الخميس أغسطس 06, 2009 12:25 pm

الجزء الثالث _


وبعد هاليوم اتصلت ريم من الصبح حق ساره وساره في سابع نومه

ريم تتصل فيها
ريم : الو سارونه سارونه
ساره وهي معصبه لان مخربين نومها وبتعب تقول : الو منو ؟
ريم : منو يعني انا ريمان
ساره : الله يهديج يا ريم تتصلين صباح الله خير في هالوقت
ريم : أي صباح الله خير الحين الساعه 11 قومي بسج رقاد
ساره : شو تبين خلصيني والله فيه نوم
ريم :ساروه اليوم نحن معزومين على بيت قوم لطوف ربيعتنا وكل بنات للمدرسه بيروحون هناك يعني وناسه .
ساره وفجأه نشت من المخده : والله صدق رووووعه يعني بنات المدرسه بيجتمعون صدق وناسه بنتذكر ايام المدرسه .ريم : هي والساعه 8 نكون هناك وانا ابي اروح عشان اشتري بدله حلوه لهالمناسبه لان الكل بيكون موجود ابي اتكشخ .
ساره : ليش يا حلوه ما عندج بدله يعني
ريم : لا عندي طبعا بس ابي اشترلي بدله يديده .شو بتين وياي ولا ؟
ساره : اكيد بيي ومره وحده اشترلي بعد
ريم : خلاص عيل تعالي بسرعه لا تنسين
ساره : لا حبيبتي البارحه ما تغدين ويا امايه حرام ما تهون علي بيي العصر وبنتشرى اوكي .
ريم: خلاص حبيبتي اشوفج على خير بس تعالي بسرعه عشان نلحق اوكي بااااي
وسقرت ساره من ريم وراحت عند امها تستشريها وطبعا الام وافقت .

(بيت فاطه خالة ساره )
نوره : والله احس من زمان وما شفت بنت خالتي الغاليه ساره .
هند وباستهزاااء : يعني شو من زمان من اسبوع كانت هني .
نوره : تعرفيني متعوده عليها ولازم اشوفها
بروح اتصل فيها .
هند .: روحي روحي وانا بروح اتصل في منى
نوره : انا منى الصرراحه ما عرف ليش ما ارتاح لها احسها حركات وشايفه عمرها .
هند وهي معصبه : والله حبيبتي من لازم ترتاحيلها اهم شي انا ارتاحلها انزين .
نوره : انزين انزين عفان الله بلاج شبيتي علينا تقولين انتي الاكبر مب كاني اكبر منج
هند وتأشر على صبعها : بسنه وحده اكبريعني ما شي فرق وايد
نوره : بسنه بشهر باسبوع المهم اكبر منج .خلا اروح اكلم ساره احسن من مجابله ويهج .
هند وهي منقهره : روحي روحي وانا خلا اكلم منى احسن .
واتصلت هند في صديقتها منى . وصح كلام نوره لان منى من النوع المتكبر وايد وعليها سوالف وحركات .
هند : الو مرحبااااااااا
منى : مراحب يا هلا بهنود
هند : هلا فيج .شو وينج
منى : ويني بعد في البيت قاعده عالمسنجر
هند : انتي ما تملين من المسنجر
منى : لا والله وناسه بس انت يلو تجربين بتعرفين كيف .
هند : وين اجرب ما عندي مسنجر واصلا ما احب الكمبيوتر.
هند : لانج ما تعرفين شو داخل الانترنيت حبيبتي اذا تبين تحبين وتعيشين بالغرام يلسي عالانترنيت والمسنجر .
هند وعلامه تعجب في ويها : والله كيف
منى : انتي تعالي بيتنا وبعلمج كل شي .
هند : والله زين خلاص الحين بقول حق امايه وبيي بيتكم اوكي
منى : اوكي يالله اترياج
وطبعا هند للاسف كانت ساذجه وما تعرف صديقتها منى شو تقصد بهالكلام .

اما ريم وساره راحو يتشرون عشان عزيمه اليوم . وهم يتشرون فجأه شافت ولد خالتها خــــــالد ومعاه صديقه محمد .
خالد وهو مستغرب ومبطل عيونه : محمد محمد مب هاي ساره .
محمد : أي ساره .؟
خالد : حبيبة القلب روحي وعمري قوم قوم خلا نروح هناك
محمد : الله يعينا على الفلم الهندي
وراح خالد ويا ربيعه محمد وخالد عيونه على ساره :
خالد بصوت ونبرات كلها حب : انا احلم ولا اتخيل ساره موجوده ؟
ساره وهي منحرجه : هلا يا خالد شفت عاد الصدفه شو اخبارك يا ولد خالتي .
خالد وفي خاطره ( لا تقولين ولد خالتي قولي خطيبي او حبيبي: تمام يسرج الحال يا بنت خالتي) :ها شو تسوون هني
ريم ,وهي تشوفه بدلع وتقول: زين قلت شو تسوون زين جمعت قلت يمكن ما شفت غير ساره .
وهني ساره ضحكت برقه : وخالد استحى وقال : لا افا عليج يا ريم كيف انسى ريم صديقه ساره المفضله
اما محمد فماكان يتكلم ولا كلمه لانه عيونه على عيون ريم ومتخبل عليها وساكت .ريم حست بنظرات محمد واستحت وااايد اول مره احد يشوفها بهالنظرات .
ساره : شو اخبارك محمد ؟
محمد في عالم ثاني عالم ريم .
خالد : محمد محمد وين وصلت
محمد : ها شو شو شو شو السالفه ؟
خالد : نحن اللي نسالك شو السالفه وين وصل تفكيرك
محمد يرمس شوي شوي ويقول لخالد : معاها معاها ما تشوف كيف حلوه ورقيقه
خالد : منو
محمد : منو بعد صديقه حبيبة القلب
خالد : ريم
محمد : الله حتى اسمها حلو ريم شيخه الحريم
خالد وهو يقرص محمد : بسك فضحتنا فضحتنا .
ساره وهي مستغربه : بلاكم عن شو تتكلمون
خالد : هاا لا لا ما شي ما شي محمد يقول انه يوعان بيروح ياكله شي.
ساره :ها خلاص عيل نحن نترخص عشان ما نتاخر اوكي يا ولد خالتي مع السلامه .
خالد : مع السلامه يا ساره واشوفج على خير
محمد وعيونه على ريم : مع السلامه ساره وووووو وو مع السلامه يا يا ريم .
ريم وهي منحرجه ومنزله راسها وبصوت رقيق : مع السلامه يا محمد .
وراح محمد وخالد . وفرحت خالد غير لان شاف حبيبته واما محمد فكان سرحان في ريم

ساره وهي ميته من الضحك
ريم وهي مستغربه على ساره : شو فيج ليش تضحكين ؟
ساره وهي مبتسمه : لا حبيبتي سلامتج بس تذكرت نظرات الولهان على بعض الناس .
وهني ريم فهمت شو تقصد وابتسمت : تصدقين سارونه . ما عرفت ان خالد عنده صديق بهالحلاه والجمال .
ساره : طبعا لان خالد ما يمشي الا مع الحلوين مثله
ريم : خلي عنج هالرمسه وقومي نتشرى يالله


في بيت منى صديقه هــــــند:
منى : زين والله ييتي تعالي قعدي عندي براويج اشياء تخبل.
هند : والله شو هيه؟
منى : شوفي انا اكلم واحد عالمسنجر بس شو يموت فيه اتصدقين يحبني واي شي ابي ينفذلي.
هند : وانتي تصدقين انه يحبج حبيبتي هذا اكيد يقص عليج
منى : أي يقص علي اقولج يموت فيه بس انا مب بس اكلمه بالمسنجر اكلمه بعد بالتلفون .
هند وهي مستغربه وتشوف منى بتعجب : بالتلفون ؟ منى كيف ترضين على عمرج تغازلين .يمكن يقص عليج .
منى : والله انج فاضيه شو يقص علي اقولج يحبني وينفذلي كل شي وما انام الا بكلماته الحلوه والله حياتي صارت روعه وياه ..اااااااااه كيف احبه
هند وهي بعدها مستغربه : يعني صدق تحبينه يعني ما يقص عليج .
منى : اقولج احبه وبعد بيتزوجني تخيلي تاخذين واحد عن قصه حب والله روعه بس انتي لو تجربين هالشي بتشوفين
هند : لا لا لا حبيبتي خليني بعيده عن هالسالفه شو تبين خالد اخوي يذبحني .
منى : وهو اصلا شو عرفه .ما بيعرف عن شي انتي بس طيعيني وكلمي واحد وبتشوفين كيف حياتج بتتغير؟
هند: كيف ارمس واحد لا لا لا ما يستوي
منى : يالغبيه هاي بس فتره خطوبه بعدين هو بيتزوج صدقيني .
هند : ها مممممممممم يتزوجني مممممممم ماعرف خليني افكر
منى : فكري يا عمري وانا بعطيج رقم صديق اللي اكلمه الحين وبتشوفين كيف حياتج بتتغيرللاحلى .
هند وهي تفكر بالسالفه : ماعرف بس بفكر .
ومنى فرحت لانها قدرت تتجذب على هند اللي بسهوله قصت عليها .


وبعد ما ردت ساره وريم من السوق كانت الساعه تقريبا 6 مساء يعني ما تأخرو وايد وكان عندهم وقت عشان يتلبسون ويتمكيجون . وساره قررت انها تتلبس في بيت ريم عشان مره وحده يروحون ويا بعض لان كل اغراضها كانت وياها وراحت ساره والتلبست وكان لبسها اللون الاحمرا%
E1لي ياي على شكل فستان بسيط ومكياجها بسيط وحلو وفتحت شعرها العسلي وكانت صدق كانها الورده بجمالها .

أما فهد اخو ريم اللي ياي من السفر كان يبي يسوي مفاجأه لاخته ريم بقدومه وكان يدور عليها وما لقاها وقال اكيد هي بغرفتها وهو ما يعرف ان ساره اللي بالغرفه وفجأه يوم دخل كانت ساره صاده لصوب المنظره يوم فهد دخل
فهد تم يصارخ من الفرحه وقال : ريماااااااااااان مفاجأه
وصدت ساره وشافت رجل غريب ما تعرفه وهي مستحيه ما تعرف شو تسوي لانها ما كانت متغطيه لا بالشيله ولا العبايه وفجأه سكتت ونزلت راسها وما تعرف شو تقول .
اما فهد فكانت بيده هديه ومن المفاجاه او من جمال ساره الهديه طاحت من ايده تلقائيا من دون قصد وتم ساكت وهو يطالعها ويقول في خاطره ( انا أحلم ولا شو السالفه؟ من هذي هاي اكيد حووريه لا أي حوريه اكيد ملاك ما شفت احد بجمالها وهو يطالعها وساكت وهي منزله راسها .
فهد بعد ما حفظ شكلها : ايييي مممممممممم اسمحيلي كنت ابي ابي ابي اختي ريم بس ما عرفت انج موجوده ؟
ساره على طول خذت الشيله وتغطت وهي مستحيه وويها صدق محمر وترد برقه : لا عادي انا الغلطانه لاني ما بندت الباب . ونزلت راسها
فهد : اسمحيلي اختي
وطلع من الغرفه وهو حاط راسه على غرفه اخته ويقول : واااااااااااااو شو هالجمال في حياتي ما شفت في جمالها .
وبعدين يت اخته ريم اللي ما كانت تعرف ان اخوها فهد موجود وهي يوم شافته
ريم فتحت عيونها وتمت تشوفه وتصااااارخ : فهههههههااااااااااااااااااد وتميت تصيح ويت وحضنت اخوها
ريم وهي حاضنه اخوها بالحيل وتصيح وتقول : فهد وينك فهد ليش خليتني من 4 سنين بروحي تخليت عني يا اخوي .وتمت تصيح

وطلعت ساره من الغرفه تشوف شو سالفه هالصراخ.
فهد وهو يكلم اخته ويمسح دموعها : حبيبتي يا ريم تعرفين اني رحت اكمل دراستي .
ريم وهي تشوف اخوها بنظره حب وشوق : للدراسه ولا تشرد عشان ما تحس بمعاناة خلاص يا فهد انسى امي وابوي راحو من كم سنه لين الحين محتاجنها
فهد ترك يد اخته وقال وهو حزين : اااااه يا ريم محد بيحس بشوقي لامي ريم امي راحت عني وانا عمري 10 سنين وكانت بالنسبالي كل شي ما اقدر ما اقدر بدونها اتخيلها بكل زاويه في البيت محتاج لحنانها يار يم . ودمعت عيون فهد .
اما ساره فما قدرت تتحمل على طول دمعه نزلت بعيونها .
فهد حب يتغير السالفه : المهم ريماني انتي شو اخبارج .؟
ريم : والله اني شوي بخير بس الحين اكيد بخير بوجودك اخوي .
ريم وهي تشوف ساره وتبتسم
وتقولها : ساره تعالي اعرفج على اخوي .
ساره منزله راسها ويت عند ريم وفي خاطرها تقول ( هو شافني وخلص ) .
ريم: فهد اعرفك على صديقه عمري واختي ساره .
فهد وهو يشوف ساره بنظرات : هلا والله بساره تشرفت بمعرفة وحده حلوه مثلج .
ساره استحت وما قالت شي غير : تسلم عيونك الاحلى .
ساره استغربت من جرأته .
المهم بعد ما استأذنت ريم من اخوها انها بتروح للحفله مع ساره .
اخوها فهد راح عند أصدقائه اللي من مده ما شافهم .
بس بخياله بس رسمه ساره اللي صدق كان متخبل عليها وقال: قلت هي قمر قلت لا القمر ماخذ من حلاها .كيف أوصفها وهي ما تنوصف من جمالها .رسمه عيونها اللي تعذب المخاليق ولا ملامحها اللي فيها براءه الاطفال ولا خدودها اللي كانها ورود ورديه كيف اوصفج يا ساره كيف ؟
وفهد هو اصلا يموت على الشعرفكانت اول قصيده يكتبها لبنت .
وربعه سمعو الخاطره وقاله صديقه مروان : الله عليك يا فهد شو هالكلام العذب شو اليوم ياي وتقولنا خواطر اخاف بس الاخ متعذب.
وضحك فهد وقاله : لا بس حبيت اقول خاطره لان هالخاطره م
ميزه عندي .


الرجوع الى أعلى الصفحة اذهب الى الأسفل
scream 4 ever
ذهبي
avatar

ذكر عدد المساهمات : 1062
العمر : 23
المزاج راايق..

مُساهمةموضوع: رد: الجز الثالث لمجنون سااره =)   الأربعاء أغسطس 12, 2009 7:40 pm

والله طويله ما قريت الى نصها وبكملها بعدين بس حلوه
الرجوع الى أعلى الصفحة اذهب الى الأسفل
άb6άĹ ,, ŋǿŠά
متفااعل
avatar

انثى عدد المساهمات : 99
العمر : 22
المزاج مـزآآجـيـه

مُساهمةموضوع: رد: الجز الثالث لمجنون سااره =)   الجمعة أغسطس 14, 2009 7:18 am

يلا على القوووووه مستانس
الرجوع الى أعلى الصفحة اذهب الى الأسفل
شـــــوق ذبـــــاح...H
مشرفة قسم الـتوبيكات
avatar

انثى عدد المساهمات : 1618
العمر : 23
الموقع : في قلب اللي يحبني
المزاج مايهمني احــــد..*_^..

مُساهمةموضوع: رد: الجز الثالث لمجنون سااره =)   السبت أغسطس 15, 2009 7:31 pm

يسلمك ربي يالغلا يعطيك العافيه..*_^..

ـــــــــــــــــــــــــــــــــــــــــــــــ
الرجوع الى أعلى الصفحة اذهب الى الأسفل
Dee
المدير العآآم
avatar

انثى عدد المساهمات : 995
العمر : 21
الموقع : Riyadh

مُساهمةموضوع: رد: الجز الثالث لمجنون سااره =)   الإثنين أغسطس 17, 2009 5:01 pm

وههههههههههههههههههههه وه وه بس .. جننتيني انا مو مرررررررره احب الروايات خليتيني اعشقهااا ..
الرجوع الى أعلى الصفحة اذهب الى الأسفل
http://banatt.roo7.biz
άb6άĹ ,, ŋǿŠά
متفااعل
avatar

انثى عدد المساهمات : 99
العمر : 22
المزاج مـزآآجـيـه

مُساهمةموضوع: رد: الجز الثالث لمجنون سااره =)   الجمعة أغسطس 21, 2009 2:15 am

دوودي لبـآآ روحك يـآآ نـآس مرآا وحشتيني يا حلوووو:oops:
الرجوع الى أعلى الصفحة اذهب الى الأسفل
شـــــوق ذبـــــاح...H
مشرفة قسم الـتوبيكات
avatar

انثى عدد المساهمات : 1618
العمر : 23
الموقع : في قلب اللي يحبني
المزاج مايهمني احــــد..*_^..

مُساهمةموضوع: رد: الجز الثالث لمجنون سااره =)   الأحد أغسطس 23, 2009 10:45 am

انتظر جديدك يالغلا لا تطولين علينا..*_^..

ـــــــــــــــــــــــــــــــــــــــــــــــ
الرجوع الى أعلى الصفحة اذهب الى الأسفل
Francis
فضي
avatar

ذكر عدد المساهمات : 347
العمر : 28
المزاج Fun

مُساهمةموضوع: رد: الجز الثالث لمجنون سااره =)   الأحد أكتوبر 25, 2009 12:21 pm

بطله بطله بطله الرواياه
اوكي اهنيك على الطرح الرائع وننتظر كل جديد تقبل مرروري
الرجوع الى أعلى الصفحة اذهب الى الأسفل
 
الجز الثالث لمجنون سااره =)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Sweet Girls :: منتدى الشعر والروايات :: الــ الروآآآيات-
انتقل الى: